Drwy ddefnyddio’r safle we hwn, rydych yn cytuno i’n defnydd ni o gwcis.
Cliciwch am fwy o fanylion
.
Skip to content
Hygyrchedd
Cysylltwch â ni
Y ganolfan newyddion
Tanysgrifio
English
Search for:
Tasgau poblogaidd
Preswylydd
Busnes
Pethau i'w gwneud
Y Cyngor
Cymerwch ran
Menu
Tasgau poblogaidd
Swyddi a hyfforddiant
Canolfannau Hamdden
Prydau ysgolion cynradd
Treth y Cyngor
Casgliad bin wedi'i golli
Gwneud cais, adrodd, gofyn, talu
Ysgolion, dyddiadau tymor a chau ysgolion
Trafnidiaeth gyhoeddus – gwybodaeth a chyngor
Councillors and committees
Credyd Cynhwysol (yn lle Budd-daliadau Tai)
Chwilio, olrhain a gwneud sylwadau ar geisiadau cynllunio
Diwrnodau casglu gwastraff
Preswylydd
Busnes
Pethau i'w gwneud
Y Cyngor
Cymerwch ran
Newyddion
Newyddion
Gorffennaf 2022
Seremoni i ddathlu blwyddyn ers ail-agor Ffordd Goedwig Cwmcarn
News Centre
Seremoni i ddathlu blwyddyn ers ail-agor Ffordd Goedwig Cwmcarn
Postiwyd ar : 06 Gor 2022
Cynhaliwyd seremoni swyddogol i ddathlu ail-agor Ffordd Goedwig Cwmcarn heddiw (6 Gorffennaf) flwyddyn ers i’r Ffordd allu croesawu ymwelwyr mewn cerbydau am y tro cyntaf. Mae Ffordd Goedwig Cwmcarn yn un o ganolfannau darganfod Parc Rhanbarthol y Cymoedd (VRP).
Ail-agorwyd y Ffordd yn swyddogol i’r cyhoedd ar 21 Mehefin y llynedd, ond oherwydd y cyfyngiadau coronafeirws a oedd ar waith ar y pryd, nid oedd modd cynnal seremoni ail-agor swyddogol.
Roedd y Ffordd wedi bod ynghau am chwe blynedd er mwyn gallu cwblhau gweithrediadau coedwig hanfodol i dynnu 160,000 o goed llarwydd a oedd wedi’u heintio â Phytophthora ramorum, (clefyd y llarwydd).
Ymunodd cynrychiolwyr o’r grwpiau cymunedol Ffrindiau Ffordd Goedwig Cwmcarn a Chymdeithas Twmbarlwm, a fu’n ganolog i lwyddiant yr ail-agoriad, gyda swyddogion etholedig am daith ar hyd y Ffordd i ddathlu popeth sydd gan Cwmcarn i’w gynnig.
Fel rhan o’r daith, cafodd tair coeden ffawydd newydd eu plannu ger y maes chwarae antur ym maes parcio pedwar i ddathlu’r pen-blwydd.
Cafodd y Ffordd 7 milltir o hyd – yr unig Ffordd Goedwig o’i math yng Nghymru – fywyd newydd y llynedd yn dilyn gwaith datblygu dros gyfnod o flwyddyn, a chafodd y ffordd ei gweddnewid yn sylweddol o ganlyniad i gydweithrediad llwyddiannus rhwng Cyfoeth Naturiol Cymru, Cyngor Bwrdeistref Sirol Caerffili a’r gymuned leol.
Cafodd y safle ei ddylunio i fod mor hygyrch â phosibl ac mae’n cynnig rhywbeth i bob math o ymwelydd - o lwybrau beicio mynydd cyffrous i ardaloedd tawel ar gyfer meddylgarwch a lles, i lwybrau addysgiadol i anturiaethwyr ifanc er mwyn dysgu mwy am y goedwig a’i greaduriaid.
Cafodd nifer o lwybrau pob gallu hefyd eu creu gyda mynediad i bawb, ynghyd â nifer o ardaloedd picnic newydd ar gyfer cinio hamddenol a chaban pren gyda golygfeydd hyfryd ar draws y cwm.
Meddai Geminie Drinkwater, Uwch Swyddog Rheoli Tir ar ran Cyfoeth Naturiol Cymru:
“Mae hi wedi bod yn braf gallu croesawu cymaint o ymwelwyr o bob cwr o Gymru yn ôl i’r safle hardd ac unigryw hwn dros y flwyddyn ddiwethaf ac i weld pobl yn mwynhau ac yn darganfod popeth sydd gan Cwmcarn i’w gynnig.
“Mae Cwmcarn yn ased mor bwysig ac mae’n darparu llecyn gwyrdd gwerthfawr i drigolion lleol a thwristiaid fel ei gilydd. Mae’r ddwy flynedd ddiwethaf wedi dangos i ni pa mor bwysig yw ardaloedd fel hyn o ran ein lles corfforol a meddyliol.
“Roedd heddiw yn gyfle i ni allu dod at ein gilydd i ddathlu popeth sydd wedi cael ei gyflawni ar y cyd wrth ail-ddatblygu Ffordd y Goedwig, ac i longyfarch pawb am eu hymdrechion, gan gynnwys y buddsoddiad sylweddol gan Lywodraeth Cymru a chronfa Parc Rhanbarthol y Cymoedd.
“Ers dechrau’r prosiect hwn, rydym ni wedi gweld cefnogaeth a chyfranogiad gwych gan unigolion a grwpiau cymunedol lleol sydd wedi bod yn hanfodol i helpu i lywio’r prosiect i’r hyn a welwch yma heddiw. Rwy’n sicr y bydd yn cael ei thrysori gan nifer fawr o bobl am flynyddoedd i ddod.”
Dywedodd y Cynghorydd Jamie Pritchard, sy’n Ddirprwy Arweinydd ac Aelod Cabinet dros Ffyniant, Adfywio a Newid yn yr Hinsawdd gyda Chyngor Bwrdeistref Sirol Caerffili:
“Mae wedi bod yn bleser gweld â’m llygaid fy hun ganlyniadau'r ymdrechion a cydweithredol i adfer a gwella Ffordd Goedwig eiconig Cwmcarn.
Yn dilyn buddsoddiad sylweddol yn y ffordd a llawr y dyffryn, mae’r safle, sydd mewn ardal eang 1,400 hectar o faint, wedi'i drawsnewid yn llwyr i fod yn fwy cynaliadwy a chynnig profiad gwerth chweil i ymwelwyr.
Erbyn hyn mae gan y safle ystod eang o gyfleusterau newydd a gwell gan gynnwys llety o'r radd flaenaf, a chanolfan ymwelwyr arobryn, ac mae’r cyfan wedi’i amgylchynu gan dirwedd odidog.
Mae hyn yn dangos ein hymrwymiad i gydweithio â'n partneriaid i barhau i fuddsoddi a gwella ein gwasanaethau nawr ac ar gyfer cenedlaethau'r dyfodol."
Trefnwch eich ymweliad â Ffordd Goedwig Cwmcarn yma: Cwmcarn Forest Drive -
https://www.cwmcarnforest.co.uk/cy/
Y costau mynediad ar gyfer ffordd y goedwig yw: £8 am gar, £4 am feic modur, £15 am fws mini a £30 am fws. Derbynnir arian parod yn unig wrth y rhwystr neu gellir casglu tocyn o’r dderbynfa ar y safle. Mae’r ffordd yn gweithredu system unffordd ac nid oes unrhyw gyfyngiadau amser ar ymwelwyr.
Rhannwch y dudalen hon :
Rhannwch ar Facebook
Rhannwch ar Twitter
Newyddion Diweddar
Caniatáu Gorchymyn Cau ar eiddo problemus
Fforwm Ieuenctid Bwrdeistref Sirol Caerffili yn nodi Caerffili sy'n Dysgu fel eu mater blaenoriaeth ar gyfer 2024
Daeth ‘Natur Wyllt’ i rym y gwanwyn hwn er mwyn caniatáu i’n mannau gwyrdd ffynnu
Cyhoeddi enillydd £500 diweddaraf Bwrdeistref Sirol Caerffili am ailgylchu gwastraff bwyd
Gŵyl Bwyd a Diod Caerffili poblogaidd yn denu miloedd o ymwelwyr i'r dref
Ymholiadau'r Cyfryngau
Cyfeiriad E-bost
Ffôn
Cyfeiriad
Gwasanaethau A i Y
A
B
C
Ch
D
Dd
E
F
Ff
G
Ng
H
I
L
Ll
M
N
O
P
Ph
R
Rh
S
T
Th
U
W
Y