Drwy ddefnyddio’r safle we hwn, rydych yn cytuno i’n defnydd ni o gwcis.
Cliciwch am fwy o fanylion
.
Skip to content
Hygyrchedd
Cysylltwch â ni
Y ganolfan newyddion
Tanysgrifio
English
Search for:
Tasgau poblogaidd
Preswylydd
Busnes
Pethau i'w gwneud
Y Cyngor
Cymerwch ran
Menu
Tasgau poblogaidd
Swyddi a hyfforddiant
Prydau ysgolion cynradd
Canolfannau Hamdden
Ras Ffordd 10 Cilomedr Caerffili
Treth y Cyngor
Casgliad bin wedi'i golli
Gwneud cais, adrodd, gofyn, talu
Ysgolion, dyddiadau tymor a chau ysgolion
Trafnidiaeth gyhoeddus – gwybodaeth a chyngor
Credyd Cynhwysol (yn lle Budd-daliadau Tai)
Chwilio, olrhain a gwneud sylwadau ar geisiadau cynllunio
Diwrnodau casglu gwastraff
Preswylydd
Busnes
Pethau i'w gwneud
Y Cyngor
Cymerwch ran
Newyddion
Newyddion
Awst 2023
Terry's Patisserie: gwneuthurwr bwyd lleol arobryn yn cael cymorth gan Lywodraeth y DU a Chyngor Cae
News Centre
Terry's Patisserie: gwneuthurwr bwyd lleol arobryn yn cael cymorth gan Lywodraeth y DU a Chyngor Caerffili
Postiwyd ar : 31 Awst 2023
Mae Terry's Patisserie yn fusnes gweithgynhyrchu bwyd arbenigol arobryn, sy'n darparu teisennau wedi'u gwneud â llaw i westai, bwytai, stadia, a lleoliadau ledled y Deyrnas Unedig yn ogystal â'r gymuned leol.
Cafodd y cwmni ei ddechrau pan wnaeth Terry Williams ddarganfod ei hangerdd am deisennau o safon a dechrau gweithredu o gartref y teulu yn nhref Coed Duon, cyn symud i safle mwy ym Mharc Busnes Euro, Aberbargod, a sefydlu'r cwmni o dan yr enw Terry's Patisserie Ltd yn 2011.
Mae'r cwmni bellach yn cyflogi 14 o bobl, gan gynnwys cogyddion medrus iawn o bedwar ban y byd, yn ogystal â recriwtio talent leol. Mae Terry's Patisserie wedi cynnal gwersi gyda Choleg Crosskeys, gan alluogi'r cwmni i weithio gyda myfyrwyr a dod o hyd i ddarpar brentisiaid. Mae'r cwmni hefyd yn gweithio gyda Hyfforddiant Cambrian i uwchsgilio recriwtiaid i'r lefel sy'n ofynnol i lwyddo yn y rolau.
Ledled y Deyrnas Unedig, mae Terry's Patisserie wedi gweithio gyda chleientiaid fel Sioe Flodau'r RHS yn Chelsea, rasys Ascot, yn ogystal â nifer o glybiau pêl-droed, gwestai a lleoliadau nodedig, gan gynrychioli rhai o ddigwyddiadau lletygarwch eiconig Prydain. Mae'r cwmni'n parhau i ddarparu cynhyrchion i fusnesau lleol ym Mwrdeistref Sirol Caerffili hefyd, gan gynnwys The New Continental Café, Bargod, a Maenordy Llancaiach Fawr.
Mae Terry's Patisserie yn aml yn cael ymholiadau ynghylch a oes siop. O ran hyn, meddai Rhys Williams, Cyfarwyddwr, a mab Terry, “Nid oes gennym ni siop ffisegol, gan nad ydyn ni am gystadlu â busnesau lleol, rydyn ni am weithio gyda nhw.” Fodd bynnag, i fodloni'r galw, mae'r cwmni'n datblygu model ‘clicio a chasglu’, lle bydd cwsmeriaid yn gallu archebu cynhyrchion a'u casglu nhw o'r busnesau sy'n cymryd rhan.
“Rydyn ni'n annog pobl i ddefnyddio busnesau lleol ac efallai hyd yn oed ddarganfod lleoedd nad oedden nhw'n sylweddoli eu bod nhw'n bodoli, a'r cyfan wrth feithrin ein brand a hyrwyddo ein henw ni.”
Yn 2022, cysylltodd Terry's Patisserie â Thîm Menter Fusnes ac Adnewyddu y Cyngor ynghylch cael grant i brynu offer arbenigol newydd ar gyfer gwneud teisennau. Cafodd y cwmni £25,000 (cyfalaf gwerth £22,000 a refeniw gwerth £3,000) gan Lywodraeth y DU drwy Gronfa Ffyniant Gyffredin y DU. Cafodd y grant hwn 50% o arian cyfatebol gan Terry's Patisserie a'i roi i'r cwmni drwy ymyrraeth Cyngor Bwrdeistref Sirol Caerffili o Gronfa Ffyniant Gyffredin y DU. Mae'r offer a gafodd eu prynu gan ddefnyddio'r arian grant hwn wedi galluogi'r cwmni i gynyddu cynhyrchiant y busnes, ennill achrediad Cymeradwyaeth Cyflenwr Diogel a Lleol (SALSA) a chael system feddalwedd NOUVEM.
Meddai Rhys Williams, “Roedd hi'n broses syml iawn, ac roedd hi'n wych gallu ffonio rhywun yn rhwydd. Ac mae'r ffaith bod y tîm wedi bod yn hyblyg er mwyn gweddu i'r busnes yn wych.”
O ran y dyfodol, nod Terry's Patisserie yw sefydlu'r gwasanaeth ‘clicio a chasglu’ a chryfhau'r busnes cyfanwerthu yn Llundain. Mae hefyd uchelgeisiau i sefydlu academi grystau yn yr ardal leol ar gyfer darpar gogyddion.
Meddai'r Cynghorydd Jamie Pritchard, Aelod Cabinet dros Ffyniant, Adfywio a Newid yn yr Hinsawdd, “Roedd hi'n wych cael ymweld â Terry's Patisserie i edrych o gwmpas y safle a siarad â'r gweithlu. Roedd awyrgylch cyfeillgar, a braf oedd clywed yr uchelgeisiau sydd gan y cwmni yn dilyn cael y cymorth ariannol.”
Am ragor o wybodaeth am Terry's Patisserie, ewch i'r
wefan
.
Neu ddod o hyd i Terry's Patisserie ar y cyfryngau cymdeithasol:
Facebook
Twitter
Instagram
LinkedIn
Am ragor o wybodaeth am y cymorth sydd ar gael i fusnesau, neu os oes gennych chi unrhyw gwestiynau, cysylltwch â:
Tîm Menter Fusnes ac Adnewyddu, Tŷ Tredomen, Parc Tredomen, Ystrad Mynach, Hengoed CF82 7WF
E-bost:
busnes@caerffili.gov.uk
| Ffôn: 01443 866220
Rhannwch y dudalen hon :
Rhannwch ar Facebook
Rhannwch ar Twitter
Newyddion Diweddar
Cyhoeddi Julian Simmonds fel Maer newydd
Caniatáu Gorchymyn Cau ar eiddo problemus
Fforwm Ieuenctid Bwrdeistref Sirol Caerffili yn nodi Caerffili sy'n Dysgu fel eu mater blaenoriaeth ar gyfer 2024
Daeth ‘Natur Wyllt’ i rym y gwanwyn hwn er mwyn caniatáu i’n mannau gwyrdd ffynnu
Cyhoeddi enillydd £500 diweddaraf Bwrdeistref Sirol Caerffili am ailgylchu gwastraff bwyd
Ymholiadau'r Cyfryngau
Cyfeiriad E-bost
Ffôn
Cyfeiriad
Gwasanaethau A i Y
A
B
C
Ch
D
Dd
E
F
Ff
G
Ng
H
I
L
Ll
M
N
O
P
Ph
R
Rh
S
T
Th
U
W
Y