Drwy ddefnyddio’r safle we hwn, rydych yn cytuno i’n defnydd ni o gwcis.
Cliciwch am fwy o fanylion
.
Skip to content
Hygyrchedd
Cysylltwch â ni
Y ganolfan newyddion
Tanysgrifio
English
Search for:
Tasgau poblogaidd
Preswylydd
Busnes
Pethau i'w gwneud
Y Cyngor
Cymerwch ran
Menu
Tasgau poblogaidd
Swyddi a hyfforddiant
Prydau ysgolion cynradd
Canolfannau Hamdden
Ras Ffordd 10 Cilomedr Caerffili
Treth y Cyngor
Casgliad bin wedi'i golli
Gwneud cais, adrodd, gofyn, talu
Ysgolion, dyddiadau tymor a chau ysgolion
Trafnidiaeth gyhoeddus – gwybodaeth a chyngor
Credyd Cynhwysol (yn lle Budd-daliadau Tai)
Chwilio, olrhain a gwneud sylwadau ar geisiadau cynllunio
Diwrnodau casglu gwastraff
Preswylydd
Busnes
Pethau i'w gwneud
Y Cyngor
Cymerwch ran
Newyddion
Newyddion
Chwefror 2023
Mae'r gwanwyn ar y gorwel ym Mwrdeistref Sirol Caerffili
News Centre
Mae'r gwanwyn ar y gorwel ym Mwrdeistref Sirol Caerffili
Postiwyd ar : 16 Chw 2023
Mae Cyngor Bwrdeistref Sirol Caerffili yn cyhoeddi digwyddiadau'r gwanwyn 2023, gan ddilyn llwyddiant y llynedd pan ddaeth miloedd o ymwelwyr i ganol trefi ledled y Fwrdeistref Sirol.
Eleni, bydd Ffair y Gwanwyn, Ystrad Mynach, yn dychwelyd ar 25 Mawrth; yn ogystal â Ffair y Gwanwyn, Coed Duon, ar 4 Mawrth – yr un gyntaf erioed; Gŵyl Bwyd a Diod Caerffili ar 29 Ebrill; a'r digwyddiad newydd, Ffair Calan Mai, Bargod, ar 13 Mai.
Mae'r pedwar digwyddiad yn sicr o fod yn llawn hwyl, gyda llu o stondinau masnach, reidiau ffair, gweithgareddau a pherfformiadau ar y strydoedd, gan hefyd roi cyfle i ymwelwyr gefnogi'r stryd fawr leol a #DewisLleol.
Y llynedd, fe wnaeth Ffair y Gwanwyn, Ystrad Mynach, ddenu dros 6,000 o ymwelwyr i ganol y dref, sef cynnydd o fwy na 5,000 o ymwelwyr o'i gymharu â'r dydd Sadwrn blaenorol. Fe wnaeth digwyddiadau eraill yng nghanol y trefi yn ystod 2022 sicrhau diwrnod mwyaf prysur y flwyddyn iddyn nhw, gyda nifer enfawr o ymwelwyr yn dod i gefnogi'r digwyddiadau a'r stryd fawr.
Meddai Jamie Pritchard, Dirprwy Arweinydd y Cyngor ac Aelod Cabinet dros Ffyniant, Adfywio a Newid Hinsawdd, “Rydyn ni wrth ein bodd o gyhoeddi bod Ffair y Gwanwyn, Ystrad Mynach, a Gŵyl Bwyd a Diod Caerffili yn dychwelyd, yn ogystal â digwyddiadau newydd, sef Ffair y Gwanwyn, Coed Duon, a Ffair Calan Mai, Bargod.
“Rydyn ni eisiau sicrhau bod digwyddiadau'n cael eu cynnal ledled y Fwrdeistref Sirol, felly bydd y ddau ddyddiad ychwanegol yn y dyddiadur yn cefnogi'r masnachwyr lleol gan ddod â mwy o ymwelwyr i'r stryd fawr yn ein Bwrdeistref Sirol. Cadwch lygad am newyddion am ddigwyddiadau eraill sy'n dod yn fuan.”
Meddai Cyngor Tref Bargod, “Rydyn ni wrth ein bodd o gyhoeddi ein bod ni, mewn ymateb i adborth trigolion, wedi gweithio gyda thîm digwyddiadau Cyngor Bwrdeistref Sirol Caerffili a byddwn ni'n cyflwyno digwyddiad sy'n cael ei ariannu ar y cyd ar ddydd Sadwrn 13 Mai 2023. Bydd y digwyddiad hwn yn golygu cau'r ffordd yn llwyr yng nghanol y dref a bydd e'n cynnwys adloniant, reidiau i'r plant, gweithgareddau i'r teulu ac amrywiaeth o stondinau.”
Dim ond pedwar o'r digwyddiadau gwych sy'n cael eu cynnig gan Fwrdeistref Sirol Caerffili eleni yw'r rhain. Bydd rhaglen lawn o ddigwyddiadau 2023 yn cael ei chyhoeddi yn y dyfodol agos a bydd gwybodaeth ar gael yn www.visitcaerphilly.com a sianeli cyfryngau cymdeithasol Croeso Caerffili.
Mae'r rhaglen o ddigwyddiadau'n cael ei hariannu gan Gyngor Caerffili, gyda llawer ohonyn nhw'n cael cymorth ariannol neu arian cyfatebol gan y cynghorau tref a chymuned lleol. Am y ddwy flynedd nesaf, bydd y digwyddiadau'n cael cymorth sylweddol gan Gronfa Ffyniant Gyffredin y Deyrnas Unedig.
Mae Cronfa Ffyniant Gyffredin y DU yn un o golofnau canolog agenda Ffyniant Bro Llywodraeth y DU a bydd yn darparu £2.6 biliwn o gyllid i'w fuddsoddi'n lleol erbyn mis Mawrth 2025. Nod y Gronfa yw ennyn mwy o falchder mewn lle a chynyddu cyfleoedd bywyd ledled y DU drwy fuddsoddi mewn cymunedau a lleoedd, a chefnogi busnesau lleol, a phobl a sgiliau. Am ragor o wybodaeth, ewch i https://www.gov.uk/government/publications/uk-shared-prosperity-fund-prospectus.cy #UKSPF
I holi am ofod masnachu a'r digwyddiadau yn gyffredinol, anfonwch e-bost i digwyddiadau@caerffili.gov.uk
Rhannwch y dudalen hon :
Rhannwch ar Facebook
Rhannwch ar Twitter
Newyddion Diweddar
Cyhoeddi Julian Simmonds fel Maer newydd
Caniatáu Gorchymyn Cau ar eiddo problemus
Fforwm Ieuenctid Bwrdeistref Sirol Caerffili yn nodi Caerffili sy'n Dysgu fel eu mater blaenoriaeth ar gyfer 2024
Daeth ‘Natur Wyllt’ i rym y gwanwyn hwn er mwyn caniatáu i’n mannau gwyrdd ffynnu
Cyhoeddi enillydd £500 diweddaraf Bwrdeistref Sirol Caerffili am ailgylchu gwastraff bwyd
Ymholiadau'r Cyfryngau
Cyfeiriad E-bost
Ffôn
Cyfeiriad
Gwasanaethau A i Y
A
B
C
Ch
D
Dd
E
F
Ff
G
Ng
H
I
L
Ll
M
N
O
P
Ph
R
Rh
S
T
Th
U
W
Y