News Centre

Y Swyddfa Dywydd – Rhybudd Tywydd Melyn am Wyntoedd Uchel

Postiwyd ar : 01 Tach 2023

Y Swyddfa Dywydd – Rhybudd Tywydd Melyn am Wyntoedd Uchel
Mae'r Swyddfa Dywydd wedi cyhoeddi rhybudd tywydd Melyn am wyntoedd cryfion a allai fod yn niweidiol yn gysylltiedig â Storm Ciarán, yn dechrau am 21:00 ddydd Mercher 1 Tachwedd ac yn parhau tan 23:59 ddydd Iau 2 Tachwedd.

Yn ôl canllawiau'r Swyddfa Dywydd, dyma drosolwg o'r hyn i'w ddisgwyl ar draws yr ardal sy'n cael ei heffeithio:
  • Mae siawns fach y gallai difrod i adeiladau a chartrefi ddigwydd, gyda thoeau yn cael eu chwythu i ffwrdd a llinellau pŵer a choed yn dod i lawr.
  • Mae siawns fach y gall malurion sy’n chwythu i bob cyfeiriad beri perygl i fywyd.
  • Mae siawns fach o anafiadau a pherygl i fywyd sy'n deillio o donnau mawr a deunydd traeth yn cael eu taflu i lan y môr, ffyrdd arfordirol, ac eiddo.
  • Mae siawns fach y gallai ffyrdd, pontydd, a rheilffyrdd gau, gan arwain at oedi a chanslo gwasanaethau bws, trên a fferi, a hediadau.
  • Mewn mannau lle mae gwyntoedd niweidiol yn digwydd, mae posibilrwydd o doriadau pŵer a allai effeithio ar wasanaethau eraill, gan gynnwys signal ffôn symudol.
Fel arfer, mae ein timau ymroddedig ar draws gwahanol feysydd gwasanaeth wedi paratoi ac yn barod i gynorthwyo'r gymuned a mynd i'r afael ag unrhyw faterion a allai godi oherwydd y storm. Rydyn ni'n annog pawb i fod yn ofalus, yn enwedig os ydych chi'n bwriadu teithio yn ystod y cyfnod hwn, ac i sicrhau'r wybodaeth ddiweddaraf gyda'r rhagolygon tywydd diweddaraf.
 
Rhowch wybod am goed sydd wedi cwympo yn rhwystro'r ffordd ar ein gwefan 

Ar gyfer argyfyngau y tu allan i oriau gwaith sy'n ymwneud â gwasanaethau'r Cyngor, ffoniwch 01443 875500.

Newyddion Diweddar
Ymholiadau'r Cyfryngau