News Centre

Cofrestrwch nawr ar gyfer rasys 10 cilomedr a 2 gilomedr Caerffili Bryn Meadows 2023!

Postiwyd ar : 02 Chw 2023

Cofrestrwch nawr ar gyfer rasys 10 cilomedr a 2 gilomedr Caerffili Bryn Meadows 2023!
Bydd ras 10 cilomedr Caerffili Bryn Meadows yn dychwelyd ar ddydd Sul 14 Mai 2023 yn ogystal â ras hwyl 2 gilomedr Caerffili Bryn Meadows.
 
Mae mis Mai yn agosáu'n gyflym, ac mae'r broses gofrestru nawr ar agor i gadw eich lle ar gyfer 2023. P'un a ydych chi am gymryd rhan yn eich ras gyntaf, yn rhedwr profiadol neu dim ond yn caru rhedeg, ymunwch â ni a chofrestru heddiw.
 
A hithau'n digwydd yng nghysgod castell trawiadol Caerffili, bydd ras 10 cilomedr Caerffili Bryn Meadows yn dechrau ac yn gorffen ar Crescent Road. Bydd y cwrs yn arwain rhedwyr drwy ganol tref Caerffili, ac o'i chwmpas, gan fynd heibio tirnodau eiconig ar hyd cwrs gweddol wastad gyda rhai mannau tonnog. Bydd y cerflun caws enfawr, cerflun Tommy Cooper a'r castell canoloesol yn gefndir syfrdanol i'r digwyddiad.
 
Cafodd record y cwrs ei gosod gan Dewi Griffiths yn 2022, a groesodd y llinell derfyn mewn 29 munud a 39 eiliad. Mae disgwyl i nifer o redwyr elitaidd a chystadleuol geisio gwella ar y record yn 2023.
 
Bydd rhagor o wybodaeth am bryd mae disgwyl pecynnau rasio, gwybodaeth am gau ffyrdd a manylion gweithredu eraill yn cael eu rhannu yn nes at amser y digwyddiad. Os oes gennych chi unrhyw gwestiynau, ewch i'r wefan sy'n darparu Cwestiynau Cyffredin wedi'u diweddaru am y digwyddiad.
 
I gofrestru, cliciwch yma: https://events.kronosports.uk/event/184
Am ragor o wybodaeth, cliciwch yma: Hafan - 10c Caerffili 10c Caerffili (caerphilly10k.co.uk)

Newyddion Diweddar
Ymholiadau'r Cyfryngau