Drwy ddefnyddio’r safle we hwn, rydych yn cytuno i’n defnydd ni o gwcis.
Cliciwch am fwy o fanylion
.
Skip to content
Hygyrchedd
Cysylltwch â ni
Y ganolfan newyddion
Tanysgrifio
English
Search for:
Tasgau poblogaidd
Preswylydd
Busnes
Pethau i'w gwneud
Y Cyngor
Cymerwch ran
Menu
Tasgau poblogaidd
Swyddi a hyfforddiant
Canolfannau Hamdden
Prydau ysgolion cynradd
Treth y Cyngor
Casgliad bin wedi'i golli
Gwneud cais, adrodd, gofyn, talu
Ysgolion, dyddiadau tymor a chau ysgolion
Trafnidiaeth gyhoeddus – gwybodaeth a chyngor
Councillors and committees
Credyd Cynhwysol (yn lle Budd-daliadau Tai)
Chwilio, olrhain a gwneud sylwadau ar geisiadau cynllunio
Diwrnodau casglu gwastraff
Preswylydd
Busnes
Pethau i'w gwneud
Y Cyngor
Cymerwch ran
Newyddion
Newyddion
Hydref 2021
Dathlu'r gorau o fannau gwyrdd Caerffili
News Centre
Dathlu'r gorau o fannau gwyrdd Caerffili
Postiwyd ar : 14 Hyd 2021
Mae Cadwch Gymru’n Daclus wedi datgelu enillwyr Gwobr y Faner Werdd eleni, ac mae 15 o barciau a mannau gwyrdd ym Mwrdeistref Sirol Caerffili wedi cyflawni’r marc rhyngwladol o ansawdd.
Unwaith eto, mae cyfleusterau Bwrdeistref Sirol Caerffili wedi creu argraff ar y beirniaid, a bydd y Faner Werdd yn hedfan yn falch yn y mannau canlynol;
Mynwent Brithdir
Coedwig Cwmcarn
Parc Morgan Jones
Parc Cwm Darran
Tŷ Penallta
Parc Waunfawr, Crosskeys
Parc Ystrad Mynach
Mae’r mannau hyn wedi’u cydnabod am eu cyfleusterau rhagorol i ymwelwyr, safonau amgylcheddol uchel, ac ymrwymiad i ddarparu man gwyrdd o ansawdd gwych.
Yn ogystal â’r cyfleusterau sy'n cael eu rhedeg gan yr awdurdod, mae nifer o’n grwpiau cymunedol hefyd yn dathlu gwobr haeddiannol;
Rhandir Cymunedol Cwm Aber
Coed-y-werin, Caerffili
Parc Eco Cefn Fforest
Gardd Goffa Michael Williams
Rhandir Cymunedol Morgan Jones
Rhandiroedd Heol Shingrig
Mynwent Gymunedol Sant Andreas
Eglwys Martin Sant
Gardd Gymunedol Tyfaelog Sant
Rhandir Cymunedol Tretomos
Gerddi Addysgol Tarraggan
Gardd Gymunedol Waunfawr
Rhandir Windy Ridge
Meddai'r Cynghorydd Nigel George, Aelod Cabinet dros Wastraff, Diogelwch y Cyhoedd a Strydoedd, “Rwyf wrth fy modd bod gennym ni gymaint o leoedd arobryn yn ein Bwrdeistref Sirol i drigolion eu mwynhau. Ynghyd ag ymdrechion rhagorol ein grwpiau cymunedol, sydd hefyd wedi llwyddo i greu lleoedd sydd wedi ennill gwobrau, rydyn ni'n parhau i greu lleoedd iach i alluogi pobl i fyw bywydau iach.”
Mae ein lleoedd arobryn yn cynnwys bron i 10% o'r rheini ledled Cymru sydd hefyd wedi derbyn Gwobr y Faner Werdd fawreddog a Gwobr Gymunedol y Faner Werdd - o barciau gwledig a gerddi ffurfiol, i randiroedd, coetiroedd a mynwentydd.
Mae'r elusen amgylcheddol Cadwch Gymru’n Daclus yn cyflwyno rhaglen Gwobr y Faner Werdd yng Nghymru gyda chymorth gan Lywodraeth Cymru. Gwirfoddolodd arbenigwyr mannau gwyrdd annibynnol eu hamser ar ddechrau’r hydref i feirniadu safleoedd ymgeisiol yn erbyn wyth o feini prawf llym, gan gynnwys bioamrywiaeth, glendid, rheolaeth amgylcheddol a chyfranogiad cymunedol.
Dywedodd Julie James, Gweinidog Newid Hinsawdd Llywodraeth Cymru, “Mae mannau gwyrdd yn hanfodol i iechyd meddwl a chorfforol, a thrwy gydol y pandemig, rydyn ni wedi gweld pa mor bwysig mae’r mannau hyn wedi bod i gymunedau lleol.
“Mae gan Gymru dros draean o safleoedd cymunedol Baner Werdd y DU o hyd, ac mae’n rhagorol gweld rhagor o fannau yng Nghymru yn derbyn Gwobr y Faner Werdd a Gwobr Gymunedol y Faner Werdd.
“Mae’r tirweddau hyn yn chwarae rhan hanfodol yn cyflwyno ecosystemau cyfoethog a chymunedau bywiog a chydnerth, ac rydw i'n llongyfarch pob safle am ddarparu cyfleusterau a digwyddiadau rhagorol drwy’r flwyddyn ar gyfer pobl yng Nghymru.”
Dywedodd Lucy Prisk, Cydlynydd y Faner Werdd ar gyfer Cadwch Gymru’n Daclus, “Dangosodd y pandemig i ni pa mor bwysig yw parciau a mannau gwyrdd o ansawdd da i’n cymunedau. Gyda rhagor o ymwelwyr nag erioed yn mwynhau ein mannau gwyrdd, hoffwn i longyfarch gwaith caled staff a gwirfoddolwyr sydd wedi cynnal safonau rhagorol yn y safleoedd hyn.”
I weld ein holl fannau gwyrdd, ewch i
greenspacescaerphilly.co.uk/cy/
Rhannwch y dudalen hon :
Rhannwch ar Facebook
Rhannwch ar Twitter
Newyddion Diweddar
Busnes lleol To Me To You Removals i ddechrau ail gwmni storio, gyda chymorth Tîm Menter Fusnes ac Adnewyddu Cyngor Caerffili
Dros 120 o wirfoddolwyr wedi plannu coed yng Nghoetiroedd Wyllie a Pharc Cwm Darran
Rhybudd i drigolion Bargod am alwyr diwahoddiad yn cynnig ail-chwistrellu patios
Ysgol Gymraeg Cwm Gwyddon wedi’i hagor yn swyddogol gan Ysgrifennydd y Cabinet dros Addysg
Teyrngedau i'r cyn Faer
Ymholiadau'r Cyfryngau
Cyfeiriad E-bost
Ffôn
Cyfeiriad
Gwasanaethau A i Y
A
B
C
Ch
D
Dd
E
F
Ff
G
Ng
H
I
L
Ll
M
N
O
P
Ph
R
Rh
S
T
Th
U
W
Y