News Centre

Bydd tair ffagl yn llosgi’n llachar ar draws Bwrdeistref Sirol Caerffili ar gyfer Jiwbilî Blatinwm y Frenhines nos Iau, 2 Mehefin.

Bydd y ffaglau wedi'u lleoli yn:

• Copa Twmbarlwm ger Rhisga
• Eglwys Sannan Sant, Bedwellte
• To Tŷ Penallta, swyddfeydd y Cyngor yn Ystrad Mynach

Bydd y ffaglau'n cael eu goleuo am 9.45pm ym mhob un o'r tri safle.

Bydd y Maer ac Uchel Siryf Gwent yn mynychu'r seremoni goleuo yn Nhŷ Penallta.

Dywedodd y Cynghorydd Liz Aldworth, Maer Bwrdeistref Sirol Caerffili, “Rydyn ni'n falch o fod yn rhan o'r dathliad pwysig hwn. Nid yw ond yn briodol bod y garreg filltir unigryw hon mewn hanes yn cael ei nodi â ffaglau ar hyd a lled y Deyrnas Unedig. Mae’n anrhydedd i ni fod yn rhan o’r digwyddiad arbennig hwn ar gyfer Ei Mawrhydi, blwyddyn 70 y Frenhines fel ein Brenhines a Phennaeth y Gymanwlad ar ei Jiwbilî Blatinwm.”

Dywedodd Bruno Peek LVO OBE OPR Pasiantfeistr Ffaglau Jiwbilî Blatinwm y Frenhines, “Gan adeiladu ar draddodiad hir o oleuo ffaglau i nodi dathliadau brenhinol arwyddocaol, bydd miloedd o ffaglau’n cael eu goleuo ledled y Deyrnas Unedig a’r Gymanwlad. Byddan nhw'n galluogi cymunedau lleol i ddod ynghyd i dalu teyrnged i'w Mawrhydi fel rhan o'r rhaglen swyddogol o ddigwyddiadau.

 
“Mae’r Frenhines wedi goleuo ein bywydau ers 70 mlynedd drwy ei gwasanaeth a’i hymrwymiad ymroddedig. Hoffem ni oleuo’r genedl a’r Gymanwlad er anrhydedd iddi.”