• Newyddion    Newyddion    Mawrth 2024    Cabinet Cyngor Bwrdeistref Sirol Caerffili yn cytuno ar wasanaeth ailgylchu newydd ar gyfer eiddo ma

News Centre

Cabinet Cyngor Bwrdeistref Sirol Caerffili yn cytuno ar wasanaeth ailgylchu newydd ar gyfer eiddo masnachol

Postiwyd ar : 21 Maw 2024

Cabinet Cyngor Bwrdeistref Sirol Caerffili yn cytuno ar wasanaeth ailgylchu newydd ar gyfer eiddo masnachol
Yn ystod cyfarfod Cabinet a gafodd ei gynnal ddydd Mercher 20 Mawrth 2024, fe wnaeth Cabinet Cyngor Bwrdeistref Sirol Caerffili gytuno ar y manylion am wasanaeth ailgylchu newydd ar gyfer eiddo masnachol, yn unol â rheoliadau Llywodraeth Cymru o ran ailgylchu yn y gweithle.

O 6 Ebrill 2024 ymlaen, bydd yn gyfraith i bob busnes, elusen a sefydliad sector cyhoeddus yng Nghymru i sortio eu gwastraff er mwyn ei ailgylchu. Bydd hyn yn golygu y bydd angen i fwyd; papur a cherdyn; gwydr; metel, plastig a chartonau; tecstilau heb eu gwerthu; ac offer trydanol ac electronig gwastraff bach heb eu gwerthu i gyd gael eu gwahanu i'w casglu, a pheidio â chael eu rhoi yn y bin gwastraff gweddilliol (sbwriel), a hefyd gael eu casglu ar wahân.

Mae Llywodraeth Cymru yn cyflwyno'r gyfraith hon i wella ansawdd a swmp y deunyddiau ailgylchadwy.

Meddai'r Cynghorydd Chris Morgan, Aelod Cabinet dros Wastraff, Hamdden a Mannau Gwyrdd, “Ar hyn o bryd, mae'r gwasanaeth rydyn ni'n ei gynnig i'n cwsmeriaid gwastraff masnachol yn debyg iawn i'r gwasanaeth rydyn ni'n ei gynnig i gartrefi ym Mwrdeistref Sirol Caerffili, lle rydyn ni'n casglu sbwriel, deunyddiau ailgylchadwy cymysg sych, a gwastraff bwyd. Bydd y rheoliadau newydd sy'n cael eu cyflwyno gan Lywodraeth Cymru yn golygu na fydd ein dull presennol o gasglu deunyddiau ailgylchadwy cymysg sych yn cydymffurfio â'r gyfraith newydd, gan fod y gyfraith yn ei gwneud hi'n ofynnol i fusnesau wahanu eu deunyddiau ailgylchadwy ac mae'n rhaid i systemau casglu hefyd gadw'r deunyddiau ar wahân.

“Bydd ein Tîm Gwastraff ac Ailgylchu nawr yn cysylltu â holl gwsmeriaid gwastraff masnachol presennol y Cyngor i sicrhau eu bod nhw'n ymwybodol o'r newidiadau, ac yn barod amdanyn nhw.

“Os oes angen cymorth neu gyngor ar unrhyw fusnes ym Mwrdeistref SirolCaerffili o ran y newidiadau newydd, cysylltwch â ni, ac fe wnawn ni ein gorau glas i'ch helpu chi.”

Am ragor o wybodaeth, ewch i: Ailgylchu yn y gweithle | LLYW.CYMRU

Newyddion Diweddar
Ymholiadau'r Cyfryngau