News Centre

Ystafell Ffitrwydd Trecelyn yn agor ei ddrysau!

Postiwyd ar : 24 Ion 2022

Ystafell Ffitrwydd Trecelyn yn agor ei ddrysau!
Mae’r ystafell ffitrwydd ar ei newydd wedd yng Nghanolfan Hamdden Trecelyn wedi ailagor ei drysau yn dilyn buddsoddiad sylweddol gan Gyngor Bwrdeistref Sirol Caerffili.
 
Mae'r ystafell ffitrwydd newydd gyda'r offer diweddaraf ac wedi'i thymheru wedi'i dylunio ag arddull gyfoes wedi’i chefnogi gan ystod eang o offer blaenllaw’r diwydiant, sy'n cynnig atebion cardiofasgwlaidd, cryfder a digidol.
 
Mae’r ystafell ffitrwydd newydd yn cynnwys yr offer diweddaraf o ansawdd uchel gan gynnwys melinau traed cromlin, Air cycle, SkiErgs a’r cysyniad eGym cyffrous, wedi’i ategu gan raciau, meinciau a llwyfannau codi blaenllaw’r diwydiant. Bydd y stiwdio feicio grŵp a’r stiwdio ddawns sydd newydd eu gwedd yn gartref i raglen amrywiol o ddosbarthiadau ymarfer corff grŵp o gyflyru’r corff dwysedd uchel i yoga a Pilates, gyda’r nod o ddarparu ystod o gyfleoedd i’r holl drigolion.
 
Meddai’r Cynghorydd Ross Whiting, Aelod Cabinet dros Ddysgu a Hamdden,
 
“Rwy’n gwybod bod llawer o bobl wedi bod yn edrych ymlaen yn eiddgar at Ystafell Ffitrwydd Canolfan Hamdden Trecelyn yn ail-agor ac rwyf am ddiolch iddyn nhw am eu hamynedd yn ystod y pandemig a’r gwaith adeiladu. Yn bersonol, ni allaf aros i weld yr ystafell ffitrwydd newydd yn dod yn fyw gyda phobl yn mwynhau’r cyfleusterau hamdden o’r radd flaenaf sydd ar gael.
 
“Mae’r ailddatblygiad yn dangos ac yn ail-gadarnhau ymrwymiad y Cyngor i welliant parhaus y cyfleusterau chwaraeon a hamdden y gallwn ni eu darparu i drigolion Caerffili. Bydd yr ystafell ffitrwydd newydd yn darparu cyfleuster o ansawdd uchel a fydd yn annog unigolion i fod yn fwy actif, yn amlach gan fod rhywbeth ar gael i bawb”.
 
Dewch i gael eich ysbrydoli, cymryd rhan ac ymuno â ni gyda'n hystafell ffitrwydd a'n stiwdio newydd. Gallwch archebu’r ystafell ffitrwydd ymlaen llaw gan ddefnyddio’r Ap Dull Byw Hamdden, ar-lein neu drwy ffonio’r Tîm Gwasanaethau i Gwsmeriaid ar: 01443 863072 neu fel arall ffonio Canolfan Hamdden Trecelyn ar: 01495 248100.
 
Mae Canolfan Hamdden Trecelyn hefyd yn gartref i ystafell iechyd, pwll nofio 25 metr gydag offer chwarae i blant, neuadd chwaraeon a chae defnydd deuol 3G. Am ragor o wybodaeth, gan gynnwys cyfleusterau hamdden eraill ym Mwrdeistref Sirol Caerffili, cliciwch yma: Caerphilly - Gyngor Bwrdeistref Sirol Caerffili

Newyddion Diweddar
Ymholiadau'r Cyfryngau