News Centre

Mae Cyngor Bwrdeistref Sirol Caerffili yn sefydliad Llythrennedd Carbon Lefel Efydd yn swyddogol

Postiwyd ar : 19 Ebr 2024

Mae Cyngor Bwrdeistref Sirol Caerffili wedi'i achredu fel sefydliad Llythrennedd Carbon Lefel Efydd.

Mae'r achrediad hwn yn amlygu ymroddiad y sefydliad i fynd i'r afael â newid yn yr hinsawdd, lleihau ei allyriadau carbon sefydliadol a'i ymrwymiad i weithio tuag at ddyfodol carbon is.

Cyflwynodd Cynnal Cymru gwrs achrededig i swyddogion sy’n gweithio ar y Strategaeth Datgarboneiddio. O ganlyniad, mae dros 50 o aelodau staff wedi cael yr hyfforddiant ac wedi mynd ymlaen i gael eu hardystio'n ffurfiol yn Garbon Llythrennog.

Mae pob dysgwr wedi addo gwneud newidiadau yn eu gwaith a’u gweithredu nhw a fydd yn lleihau allyriadau carbon a chyfrannu at ymrwymiad y sefydliad i fod yn awdurdod lleol carbon net sero erbyn 2030.

Yn 2019, fe wnaeth Cyngor Bwrdeistref Sirol Caerffili ddatgan Argyfwng Hinsawdd ac ymrwymo i ddod yn awdurdod lleol carbon sero net erbyn 2030. Mae cyflawni statws Sefydliad Llythrennedd Carbon Lefel Efydd yn un o'r camau cyntaf ar y daith hon i sefydlu diwylliant carbon isel.

Dywedodd y Cynghorydd Jamie Pritchard, Dirprwy Arweinydd ac Aelod Cabinet dros Ffyniant, Adfywio a Newid yn yr Hinsawdd, "Rydyn ni'n falch o gael ein hachredu fel sefydliad Llythrennedd Carbon Lefel Efydd, a dyma'r cam cyntaf ar ein taith Llythrennedd Carbon. Mae'r wobr yn dangos ein hymroddiad i'n hymrwymiad carbon sero net."

Dywedodd Dave Coleman, Cyd-sylfaenydd a Rheolwr Gyfarwyddwr y Prosiect Llythrennedd Carbon, "Mae Llythrennedd Carbon yn sgìl hanfodol, sy'n hollbwysig i bob gweithle, cymuned a man astudio. Drwy ddod yn Sefydliad Llythrennedd Carbon Lefel Efydd, mae Cyngor Caerffili wedi dangos ei ymrwymiad i gamau carbon isel gwirioneddol, effaith amgylcheddol ac economaidd, ac adeiladu dyfodol carbon isel i ni i gyd".

Rhannwch y dudalen hon :

Rhannwch ar Facebook

Rhannwch ar Twitter

Newyddion Diweddar

Ymholiadau'r Cyfryngau

Gwasanaethau A i Y