Deall Awtistiaeth
Mae’r Tîm Niwrowahaniaeth Cenedlaethol wedi datblygu dau fodiwl hyfforddi ar-lein i unrhyw un eu cyrchu.
- Mae’r modiwl ‘deall awtistiaeth’ yn darparu lefel sylfaenol o ddealltwriaeth o awtistiaeth a’r ffyrdd y gallai effeithio ar fywydau beunyddiol pobl awtistig. Mae'n cynnwys cyngor ar bethau y mae modd i bobl eu gwneud, er mwyn deall awtistiaeth yn well.
- Nod y modiwl ‘deall cyfathrebu effeithiol ac awtistiaeth’ yw gwella dealltwriaeth o wahaniaethau o ran cyfathrebu, y ffordd orau o gyfathrebu, a chynyddu ymwybyddiaeth o’r effaith y gall ffactorau amgylcheddol ei chael ar sut mae pobl awtistig yn cyfathrebu.
Cymuned Ymarfer
Mae amrywiaeth o recordiadau ar gael o'r digwyddiadau Cymuned Ymarfer.
Mae'r digwyddiadau hyn yn canolbwyntio ar amrywiaeth o wahanol gyflyrau niwrowahanol, a materion sy'n effeithio ar y gymuned niwrowahanol.
Gwasanaeth Cymorth Awtistiaeth i Blant
Mae Ysgol a Chanolfan Adnoddau Cae'r Drindod yn cynnig gwybodaeth a hyfforddiant, gan gynnwys hyfforddiant ôl-ddiagnosis i deuluoedd.
Gwasanaeth Awtistiaeth Integredig
Mae'r Gwasanaeth Awtistiaeth Integredig hefyd yn cynnig hyfforddiant i oedolion ag awtistiaeth a’u teuluoedd nhw, yn ogystal â chwrs ôl-ddiagnostig sy’n cyflawni'r canlynol:
- Cwrs cadarnhaol a grymusol wedi'i ddatblygu ar gyfer pobl ag awtistiaeth (bydd angen i chi gael diagnosis o anhwylderau yn y sbectrwm awtistig i fynychu)
- Bydd yn eich galluogi chi i gael dealltwriaeth o anhwylderau yn y sbectrwm awtistig
- Byddwn ni'n siarad am bynciau gwahanol yn ymwneud â'ch diagnosis
- Byddwn ni'n datblygu rhai syniadau gyda'n gilydd a fyddai'n gallu eich helpu gyda rhai o'r anawsterau sydd gennych chiBydd y cwrs yn para 6 sesiwn.
- Bydd pob sesiwn yn para tua 2 awr a byddwn ni'n cael egwyl o 15 munud yng nghanol pob sesiwn.
Gall sefydliadau ac elusennau lleol eraill hefyd ddarparu hyfforddiant a chyngor pellach: