Claddedigaethau iechyd gwladol – cofnod datgeliadau

Angladdau Iechyd Cyhoeddus a gynhaliwyd gan Gyngor Bwrdeistref Sirol Caerffili yn ystod y cyfnod 1 Ionawr 2010 i 20 Mai 2022.

Cyn i unrhyw wybodaeth gael ei rhyddhau'n gyhoeddus, hynny yw ei gwneud ar gael i bawb, mae'n rhaid i ni ystyried a yw'r datgelu yn unol â Deddf Rhyddid Gwybodaeth 2000.  

Ni fydd gwybodaeth am gyfeiriad hysbys olaf unigolyn sydd wedi marw, ei ddyddiad geni, gwerth yr ystâd, ac ati, yn cael ei datgelu gan yr ystyrir bod yr wybodaeth hon wedi'i heithrio rhag cael ei datgelu o dan Adran 31 (1) (a) (Gorfodi'r Gyfraith) o Ddeddf Rhyddid Gwybodaeth 2000. Mae'r adran hon o'r Ddeddf yn nodi eithriad i'r hawl i wybod, a fyddai rhyddhau'r wybodaeth yn debygol o ragfarnu neu niweidio atal neu ganfod trosedd. 

Pan fydd person yn marw'n ddiewyllys heb unrhyw berthynas agosaf hysbys, mae asedau ei ystâd mewn perygl nes eu bod wedi'u hadnabod a'u sicrhau'n iawn, e.e. rhewi cyfrifon banc, lleoli gweithredoedd teitl, ac ati.  Ar ben hynny, gellir gadael eiddo yn wag, a byddai datgelu'r wybodaeth hon yn ei adael yn agored i sgwatio a thynnu unrhyw osodiadau a ffitiadau.  Felly, gallai rhyddhau manylion y dyddiad geni, y cyfeiriad hysbys diwethaf, gwerth yr ystâd, ac ati yn gyhoeddus, drwy eu gwneud ar gael i bawb, niweidio atal trosedd gan y byddai'n rhoi cyfle i weithredoedd troseddol o ddwyn neu dwyll.

Cydnabyddir bod dadl er budd y cyhoedd o blaid datgelu’r wybodaeth hon, yn yr ystyr y gallai gynorthwyo i adnabod perthnasau’r ymadawedig a allai fod â hawl i’r ystâd a adawyd gan yr ymadawedig.

Fodd bynnag, mae yna nifer o ddadleuon er budd y cyhoedd o blaid atal yr wybodaeth hon, a fyddai’n cynnwys

• Y niweidio tebygol i atal trosedd.
• Twyll hunaniaeth
• Osgoi difrod i eiddo.
• Yr effaith anuniongyrchol bosibl ar yr eiddo cyfagos pe bai troseddau'n cael eu cyflawni ar eiddo gwag.
• Effaith trosedd ar berchnogion eiddo gwag pe bai perthnasau'r ymadawedig yn cael eu holrhain

Mae'r ddwy ddadl olaf o blaid atal yr wybodaeth hon yn ymwneud ag atal troseddu yn erbyn unigolion. Mae budd y cyhoedd yn gryf iawn o ran atal troseddu yn erbyn unigolyn ac ystyrir bod budd y cyhoedd yn fwy wrth ddal y wybodaeth yn ôl.

Felly, bydd enw'r ymadawedig a'r dyddiad y cafodd ei gyfeirio at Gyfreithiwr y Trysorlys yn cael ei ddatgelu, ond mae'r holl wybodaeth arall wedi'i heithrio rhag cael ei datgelu o dan y Ddeddf Rhyddid Gwybodaeth am y rhesymau uchod.