FFURFLENNI AR-LEIN / ONLINE FORMS

FFURFLENNI AR-LEIN: Ni fydd rhai ffurflenni ar-lein ar gael rhwng 5:00pm a 7:00pm ar y 19 Mawrth 2024, tra byddwn yn gwneud gwaith cynnal a chadw hanfodol.  Ymddiheurwn am unrhyw anghyfleustra y gall hyn ei achosi

ONLINE FORMS: Some of our online forms will be unavailable between 5:00pm and 7:00pm on the 19 March 2024, whilst we carry out essential maintenance. We apologise for any inconvenience this may cause.

Sgorio hylendid bwyd ar gyfer busnesau

Daeth Deddf Sgorio Hylendid Bwyd (Cymru) 2013 a’r rheoliadau cysylltiedig i rym ar 28 Tachwedd 2013.  Mae'r Ddeddf yn sefydlu cynllun sgorio hylendid bwyd gorfodol i Gymru.

Ar ôl i chi gael Sticer Sgôr Hylendid Bwyd, rhaid iddo gael ei arddangos mewn man amlwg ym mhob mynedfa neu wrth ymyl pob mynedfa i'ch busnes bwyd.  Mae methiant i arddangos sticer dan y cynllun gorfodol (cynhelir arolygiadau ar ôl 27 Tachwedd 2013) yn drosedd ac yn arwain at ddirwy benodedig o £200 (a gaiff ei gostwng i £150 os caiff ei thalu o fewn 14 diwrnod) a/neu erlyniad. 

Dan y ddeddfwriaeth newydd ni chyflwynir tystysgrifau mwyach. 

Dan y Ddeddf rhaid i chi a’ch cyflogeion hefyd ddweud wrth gwsmeriaid, os gofynnir, y sgôr y mae’r busnes wedi’i gael. Mae hyn yn berthnasol wyneb yn wyneb yn ogystal â dros y ffôn. 

Caiff sticeri sgôr hylendid bwyd newydd eu cyflwyno bob tro y bydd eich safle yn cael ei arolygu/sgorio. Rhaid i chi dynnu eich sticer sgôr hylendid bwyd i lawr a’i ddinistrio, pan na fydd yn ddilys mwyach.  Ni fydd y sticer yn ddilys 21 diwrnod ar ôl cael gwybod am eich sgôr newydd neu pan fydd newid o ran perchennog y busnes. 

Cyhoeddi sgôr cyn i'r cyfnod apelio ddod i ben

Gall perchnogion neu reolwyr busnes ofyn bod sgôr yn cael ei chyhoeddi cyn diwedd y cyfnod apelio.  Rhaid gwneud y cais hwn yn ysgrifenedig gan ddefnyddio'r ffurflen isod. Rhaid i chi gynnwys: manylion pwy ydych chi; enw a chyfeiriad y busnes; eich manylion cyswllt; dyddiad yr arolygiad; a'r sgôr a roddwyd.  Yna bydd y cais hwn yn cael ei adolygu, a bydd y sgôr yn cael ei gyhoeddi'n gynnar. Nid yw hyn yn ildio hawl y busnesau i apelio.

Beth os ydw i’n meddwl bod y sgôr yn anghywir 

Os ydych chi o’r farn bod y sgôr yn anghywir gallech gysylltu â'r swyddog arolygu i drafod. Os, ar ôl trafodaethau, eich bod chi'n dal i gredu bod y sgôr yn anghywir, gallech apelio'n ysgrifenedig o fewn 21 diwrnod gan ddefnyddio ein ffurflen apelio.  Cewch wybod am ganlyniad yr apêl o fewn 21 diwrnod ar ôl iddi gael ei derbyn. 

Ffurflen Apelio (PDF)

Gofyn am ail-ymweliad

Os ydych wedi ymdrin â’r holl achosion o ddiffyg cydymffurfiaeth a godwyd yn yr adroddiad arolwg ac yn gallu dangos tystiolaeth o'r rhain, yna gallech ofyn am ail-ymweliad i geisio cael sgôr newydd.  

Ffurflen Gofyn am Ail-ymweliad (PDF)

Codir £180 am ymweliad ail-sgorio, a mae'n rhaid ei dalu wrth wneud cais drwy ffonio 01443 866570 neu drwy dalu gyda cherdyn neu gydag arian/cerdyn yn un o’n swyddfeydd arian parod. Dyfynnwch y cod talu 2108 T357.

Codir y ffi hwn ledled Cymru ac mae’n cynnwys y gost o gynnal arolwg a chostau gweinyddu cysylltiedig.  Cynhelir yr ymweliad ail-sgorio cyn pen 3 mis o dderbyn y taliad a chewch wybod am y sgôr newydd yn ysgrifenedig.

Mae gennych hefyd hawl i ymateb yn dilyn eich arolwg a gyhoeddir ar wefan yr Asiantaeth Safonau Bwyd ynghyd â'ch sgôr.  Dylid cyflwyno unrhyw sylwadau yn ysgrifenedig gan ddefnyddio’r ffurflen hawl i ymateb.  Caiff y sylwadau hyn eu sgrinio gan swyddog priodol cyn iddynt gael eu cyhoeddi ar y wefan. 

Ffurflen hawl i ymateb (PDF)

Cysylltwch â ni

Tudalennau cysylltiedig

Canfod sgorau hylendid bwyd

Gwefannau eraill

Asiantaeth Safonau Bwyd