FFURFLENNI AR-LEIN / ONLINE FORMS

FFURFLENNI AR-LEIN: Ni fydd rhai ffurflenni ar-lein ar gael rhwng 5:00am a 8:00am ar y 05 Mai 2024, tra byddwn yn gwneud gwaith cynnal a chadw hanfodol.  Ymddiheurwn am unrhyw anghyfleustra y gall hyn ei achosi

ONLINE FORMS: Some of our online forms will be unavailable between 5:00am and 8:00am on the 05 May 2024, whilst we carry out essential maintenance. We apologise for any inconvenience this may cause.

Lluosi

Amcan cyffredinol Lluosi yw cynyddu lefelau rifedd gweithredol ym mhoblogaeth yr oedolion ledled y Fwrdeistref Sirol. Y bwriad yw cynnal cyfres o ymyraethau i gyflawni'r canlyniadau canlynol:

  • Mwy o oedolion yn cyflawni cymwysterau mathemateg/cymryd rhan mewn cyrsiau rhifedd (hyd at ac yn cynnwys Lefel 2/SCQF Lefel 5).
  • Gwella canlyniadau o ran y farchnad lafur, e.e. llai o fylchau mewn sgiliau rhifedd yn cael eu cofnodi gan gyflogwyr, a chynnydd yng nghyfradd yr oedolion sy'n symud ymlaen i gyflogaeth barhaus a/neu addysg.
  • Cynyddu rhifedd ymhlith oedolion ledled y boblogaeth. Bydd yr effaith gyffredinol hon, sy'n mynd y tu hwnt i sicrhau tystysgrifau neu gymwysterau, yn tracio'r gwahaniaeth canfyddadwy a'r gwahaniaeth gwirioneddol y mae cymryd rhan yn y rhaglen yn ei wneud o ran cefnogi dysgwyr i wella eu dealltwriaeth a'u defnydd o fathemateg yn eu bywydau bob dydd, gartref ac yn y gwaith, ac i deimlo'n fwy hyderus wrth wneud hynny.

Ymyraethau Arfaethedig

Mewn ymateb i'r Cynllun Buddsoddi Lleol, byddwn yn gweithio gyda phartneriaid yn y rhanbarth yn unol â'r Model Cyflogadwyedd Rhanbarthol cymeradwy i wneud y canlynol:

Darparu ar gyfer cymorth cyflogaeth i unigolion sy'n economaidd anweithredol.

  • Mynd ati ar y cyd i gomisiynu cyrsiau pwrpasol a brynir yn lleol ar gyfer addysg bellach a dysgwyr galluog ac uchelgeisiol, sy'n mynd i'r afael â bylchau mewn sgiliau a phroblemau recriwtio sy'n gysylltiedig â hynny, ac sy'n canolbwyntio ar feysydd twf yn y farchnad lafur leol, yn cynnwys Creadigol a Digidol, sgiliau Gwyrdd a diwydiannau gwyrdd, sectorau carbon is, ac ati.
  • Galluogi'r rheiny a gyflogir mewn sectorau carbon uchel yn lleol i ailhyfforddi/ddatblygu eu sgiliau mewn sectorau carbon is. Mynd ati ar y cyd i gomisiynu'r sector addysg bellach i ddarparu cymorth cofleidiol a chymorth i weithwyr allweddol (yn cynnwys cwnsela, cynhwysiant ariannol, gweithgareddau cyfoethogi, cyngor ar iechyd a llesiant, cyrsiau HOOK, cymwysterau amgen, ac ati) ar gyfer y rheiny sydd mewn perygl o ymddieithrio rhag addysg, cyflogaeth neu hyfforddiant yn y lleoliad addysg bellach.
  • Cyflenwi a chaffael cymwysterau cysylltiedig â gwaith.
  • Darparu cymorth unigol i bobl sydd mewn gwaith ac sy'n dymuno camu ymlaen yn eu gyrfa neu newid cyfeiriad eu gyrfa. Y ffocws fydd cymwysterau a sgiliau cyfweld cysylltiedig â gwaith a sgiliau chwilio am waith.
  • Cyrsiau penodol neu dan arweiniad y dysgwr, i gwmpasu pynciau megis: gloywi sgiliau rhifedd, cyllidebu, rheoli eich biliau ynni, siopa o fewn cyllideb, coginio o fewn cyllideb, a llawer mwy. Bydd sesiynau un i un hefyd yn cael eu cynnig i'r rheiny sydd bellaf oddi wrth ymgysylltu.Cynhelir digwyddiadau ar raddfa fawr dros oes y prosiect er mwyn ennyn diddordeb a brwdfrydedd y cyhoedd/darpar ddysgwyr yn y Rhaglen Lluosi.