Digwyddiadau

Mae ein gweithgareddau, digwyddiadau a grwpiau i gyd yn cael eu rhestru yn ein grŵp caeedig ar Facebook, felly, os nad ydych chi'n aelod – neu os ydych chi'n adnabod rhywun sy'n ofalydd a fyddai, o bosibl, eisiau ymuno – chwiliwch am “Caerphilly County Carers Group” a gwneud cais am ymuno neu wahodd rhywun i ymuno.

Gweithgareddau Gofalwyr Chwefror – Mai 2024

Cysylltwch â ni i ofyn am leoedd ar unrhyw un neu ragor o'r gweithgareddau isod a byddwn ni'n ychwanegu eich enw at raffl. Wedyn, byddwn ni'n rhoi gwybod i chi dim ond os ydych chi wedi bod yn llwyddiannus.

Oedolion sy'n gofalu

  • Dydd Gwener 9 Chwefror – Dosbarthiad gan Beth’s Bakes i 20 o gartrefi (un i bob tŷ).
  • Dydd Sadwrn 10 Chwefror – Bargen o bryd ar gyfer gêm rygbi Cymru yn erbyn Lloegr. Un pryd i bob cartref (2 bryd, 2 bwdin, 2 ddiod).
  • Dydd Llun 12 – dydd Sul 18 Chwefror – Wythnos sinema yn Sinema Maxime, Coed Duon.
  • Dydd Sadwrn 24 Chwefror o 7.00pm – bwffe cyri yn Bengal Cymru, Rhisga
  • Dydd Llun 26 Chwefror 12.00pm - 1.30pm – Creu gemwaith yn yr Hen Lyfrgell, Caerffili.
  • Dydd Mawrth 27 Chwefror o 6.45pm – Pryd tri chwrs yn Morel’s, Coleg Crosskeys.
  • Dydd Gwener 1 Mawrth am 8.00pm – Noson gomedi yn Sefydliad y Glowyr, Coed Duon.
  • Dydd Llun 4 Mawrth am 6.00pm – Pryd dau gwrs ym Murray’s, Bargod
  • Dydd Gwener 8 Mawrth – Diwrnod maldodi yng Nghanolfan Ddawns Shappelles, Ystrad Mynach.
  • Dydd Mawrth 19 Mawrth o amser cinio – Dosbarthiad pizza o Domino's ar gyfer 10 o gartrefi, 2 pizza yr un.
  • Dydd Iau 21 Mawrth 12.00pm - 3.00pm – Prynhawn amrywiaethol yn Studio 54, Coed Duon. Yn cynnwys canwr, bwyd a bingo.
  • Dydd Sul 24 Mawrth am 1.00pm – Cinio dydd Sul yng Nghlwb Bowls Islwyn.
  • Dydd Mercher 27 Mawrth 11.00am – 2.00pm – Creu addurniadau bwrdd y gwanwyn yn Studio 54, Coed Duon.
  • Dydd Iau 28 Mawrth 6.30pm - 8.00pm – Crefftau'r Pasg, lleoliad i'w gadarnhau.
  • Dydd Iau 30 Mai 8.30am - 6.30pm – Gŵyl y Gelli. Yn cynnwys trafnidiaeth o Goed Duon/Gaerffili; tocynnau i weld Jay Blades yn siarad am ei wersi bywyd.

Gofalwyr ifanc

  • Dydd Llun 12 Chwefror 10.00am - 2.00pm – Creu cerddoriaeth gyda Ragsy yn Studio 54. Ar gyfer unrhyw gerddorion addawol. Dewch draw i ysgrifennu eich caneuon eich hun, ac wedyn, mwynhau set gan Ragsy. Cinio'n cael ei ddarparu.
  • Dydd Llun 12 – dydd Sul 18 Chwefror – Wythnos sinema yn Sinema Maxime, Coed Duon.
  • Dydd Mawrth 13 Chwefror 10.00am - 12.30pm – Creu ffrâm llun pren ar ffurf calon gyda Salvaged Creations yng Nghanolfan Gymunedol Cefn Hengoed.
  • Dydd Iau 15 Chwefror 10.30am - 12.30pm – Dinomania yng Nghanolfan Gymunedol Cefn Hengoed.
  • Dydd Iau 15 Chwefror – Casgliad te prynhawn o Hancox’s Pies, Caerffili.
  • Dydd Mawrth 19 Mawrth o amser cinio – Dosbarthiad pizza o Domino's ar gyfer 10 o gartrefi, 2 pizzas yr un.
  • Dydd Sadwrn 23 Mawrth – Dosbarthiad pecyn crefft y Pasg (bydd yn cyrraedd erbyn y dyddiad hwn).
  • Dydd Sadwrn 25 Mai 8.30am-6.30pm – Gŵyl y Gelli. Yn cynnwys trafnidiaeth o Goed Duon/Gaerffili; tocynnau i weld Lenny Henry yn siarad am ei lyfrau plant.
  • Dydd Gwener 31 Mai 10.30am - 12.00pm – Creu gwesty pryfed gyda Salvaged Creations yng Nghanolfan Gymunedol Cefn Hengoed.

Mae'r holl weithgareddau hyn am ddim i chi i ddweud diolch i chi am fod yn ofalwyr di-dâl gwych. Cofrestrwch i gael diweddariadau e-bost ac ymuno â'n grŵp Facebook ni i gael gwybod am y gweithgareddau a digwyddiadau sy'n cael eu hychwanegu drwy'r amser. Rydyn ni'n ychwanegu ein gweithgareddau ni ar Facebook tua mis cyn iddyn nhw ddigwydd.

Os oes rhywbeth, yn eich barn chi, a fyddai’n dda i ofalwyr ei wneud nad ydyn ni wedi meddwl amdano nac wedi rhoi cynnig arno, rydyn ni’n glustiau i gyd. Rhowch wybod i ni!

D.s. os rhowch eich enw i lawr am rywbeth ac nid ydych yn clywed wrthym eich bod wedi llwyddo, dylech gymryd nad ydych wedi cael lle. Nid yw cludiant yn cael ei ddarparu ond lle dywedir hynny.

Rydyn ni’n gwybod bod pethau’n digwydd weithiau sy’n olygu na allwch ddod ar y diwrnod, ond lle bo modd gofynnwn ichi roi gwybod inni cyn gynted ag yr ydych yn gwybod na allwch ddod, er mwyn inni gynnig lleoedd prin i ofalyddion eraill.

Anfonwch eich barn atom

Yn ein grwpiau cefnogi gofalyddion, rydym wedi bod yn gofyn i'r rhai ohonoch sy'n mynychu pa fathau o bethau yr hoffech chi weld mwy ohonynt. Cafwyd sôn am sesiynau maldod, teithiau i’r theatr, blasu gwinoedd, prydau o fwyd a thocynnau rygbi, felly rydym yn gwneud ein gorau i wireddu’r ceisiadau hyn ar gyfer gweddill y flwyddyn.

Rydym hefyd wedi cael syniadau da iawn eraill am fwy o weithgareddau ar benwythnosau a nosweithiau ar gyfer y rheini ohonoch sydd yn yr ysgol neu’r coleg neu’n gweithio, ac rydym wedi eu cymryd. Anfonwch e-bost o’ch awgrymiadau at gofaddylion@caerffili.gov.uk

Cysylltwch â ni