News Centre

Digwyddiad Cwadrathlon i Blant Clwb Athletau Cwm Rhymni yn Hwb Athletau Cyngor Caerffili

Postiwyd ar : 22 Gor 2024

Digwyddiad Cwadrathlon i Blant Clwb Athletau Cwm Rhymni yn Hwb Athletau Cyngor Caerffili
Yn Nigwyddiad Cwadrathlon i Blant Clwb Athletau Cwm Rhymni, a gafodd ei gynnal yn Hwb Athletau Cyngor Caerffili yn Oakdale, daeth 48 o athletwyr ifanc, yn amrywio o blant dan 7 oed i blant blwyddyn 6 yn yr ysgol, i gymryd rhan mewn amrywiaeth o weithgareddau athletaidd. Roedd y digwyddiad yn cynnwys rhedeg, neidio, taflu a her ddycnwch, gan ddarparu profiad athletaidd cynhwysfawr i bawb oedd yn cymryd rhan.

Cafodd pob athletwr wobrau perfformiad eithriadol, wedi'u henwebu gan ein harweinwyr ifanc a fu'n hyfforddi'r cyfranogwyr drwy gydol y digwyddiad. Roedd y gwobrau hyn yn cydnabod yr ymdrechion a'r chwarae teg arbennig a gafodd eu dangos gan bawb dan sylw.

Mynegodd Cadeirydd Clwb Athletau Cwm Rhymni, Deb Howells, ei llawenydd: “Rydyn ni'n hynod falch o'r holl athletwyr ifanc a gymerodd ran. Roedd eu hymrwymiad a'u brwdfrydedd yn wirioneddol ysbrydoledig. Roedd y digwyddiad hwn yn amlygu pwysigrwydd athletau a'r cyfleoedd ffantastig sydd ar gael yn ein clwb.”

Ar gyfer y rhai sydd â diddordeb mewn ymuno â Chlwb Athletau Cwm Rhymni, mae rhagor o wybodaeth ar gael ar wefan Clwb Athletau Cwm Rhymni. Gallwch chi hefyd gysylltu â ni yn Chwaraeon Caerffili drwy davies30@caerffili.gov.uk neu 01443 863397.

Mae Hwb Athletau Cyngor Caerffili ar gael am ddim fel rhan o'ch aelodaeth Dull Byw Hamdden. Cadwch eich lle nawr ar ap Dull Byw Hamdden.

Newyddion Diweddar
Ymholiadau'r Cyfryngau