Canolfannau profi dros dro am coronafeirws
(Diwygiwyd y dudalen ddydd 22/09/2020 1pm)
Oherwydd y cynnydd diweddar yn nifer yr achosion o coronafeirws ym Mwrdeistref Sirol Caerffili, mae Bwrdd Iechyd Prifysgol Aneurin Bevan wedi sefydlu canolfannau profi dros dro.
Os ydych chi'n byw ym Mwrdeistref Sirol Caerffili ac yn profi symptomau o coronafeirws, dewch i gael prawf cyflym, diogel. Gall y symptomau hyn fod yn ysgafn iawn.
- Peswch newydd parhaus
- Tymheredd uchel
- Colli blas a/neu arogl
Nodwch:
- Mae'r cyfleusterau profi hyn ar gyfer pobl sy'n byw yn ardal Bwrdeistref Sirol Caerffili yn unig. Dewch â Cherdyn Adnabod a phrawf o gyfeiriad, fel trwydded yrru neu fil cyfleustodau. Cliciwch yma i wirio a ydych chi'n byw ym Mwrdeistref Sirol Caerffili.
- Bydd angen i chi drefnu apwyntiad yn y ganolfan profi drwy ffenest y car wedi'i lleoli tu allan i Dŷ Penallta. Ffoniwch 0300 30 31 222 rhwng 8am a 6pm i drefnu apwyntiad.
- Nid oes angen i chi drefnu lle ar gyfer canolfan cerdded i mewn yng Nghanolfan Hamdden Caerffili
- Mae'r prawf yn cymryd 5 munud
- Peidiwch ag ymweld ag unrhyw siopau neu lefydd eraill ar y ffordd i'ch prawf neu oddi yno.
Uned Brofi Tredegar Newydd
Canolfan profi drwy ffenest y car a cherdded i mewn wedi'i lleoli ym Mharc Busnes Tredegar Newydd, White Rose Way, Tredegar Newydd NP24 6BH (maes parcio ar ochr arall y bont gyferbyn ag Amgueddfa'r Tŷ Weindio)
Ar gael rhwng 2pm brynhawn Mercher 16 Medi a 6pm nos Fercher 23 Medi 2020.
Oriau agor:
Dydd Mercher 16 Medi – Ar agor o 2pm tan 6pm
Dydd Iau 17 Medi tan ddydd Mercher 23 Medi – Ar agor o 8am tan 6pm bob dydd
- Bydd angen i chi drefnu apwyntiad. I drefnu apwyntiad, ffoniwch 0300 30 31 222 rhwng 8am a 6pm.
- Mae'r prawf swabio eich hun yn cymryd 5 munud
- Gallwch gyrraedd ar droed, mewn car neu ar feic
- Gwisgwch orchudd wyneb ar eich ffordd i'r prawf, ac yn ôl
- Peidiwch â defnyddio trafnidiaeth gyhoeddus
- Cofiwch gadw pellter cymdeithasol wrth aros am brawf
Canolfan Hamdden Caerffili
Canolfan brofi cerdded i mewn wedi'i lleoli y tu allan i Ganolfan Hamdden Caerffili, CF83 3SW
Ar gael tan Dydd Llun 28 Medi 2020.
Oriau agor: 10am i 3pm
- Nid oes angen i chi drefnu apwyntiad yn y ganolfan hon, dim ond troi i fyny
- Gallwch gyrraedd ar droed, mewn car neu ar feic
- Gwisgwch orchudd wyneb ar y ffordd i mewn ac allan o'ch prawf
- Peidiwch â defnyddio trafnidiaeth gyhoeddus
- Cofiwch gadw pellter cymdeithasol wrth aros am brawf
Swyddfeydd y Cyngor Tŷ Penallta
Mae'r cyfleuster profi hwn nawr ar gau
Prawf Cartref
Gallwch gael prawf wedi'i bostio i'ch cartref. Gwnewch gais ar-lein neu ffoniwch 119, am ddim rhwng 7am ac 11pm.
Cofiwch
Os oes gennych symptomau o coronafeirws, rhaid i chi a'ch cartref cyfan hunanynysu ar unwaith nes i chi dderbyn canlyniadau eich profion. Cliciwch yma i gael rhagor o wybodaeth am hunanynysu.