Cynnig Gofal Plant i Gymru 

O dan y Cynnig Gofal Plant i Gymru, gallwch hawlio hyd at 30 awr o addysg gynnar a gofal plant yng Nghymru bob wythnos, hyd at 48 wythnos y flwyddyn. Mae’r cynllun yn anelu i wneud bywyd yn haws i rieni/ofalyddion drwy  ddarparu cymorth gyda chostau gofal plant.

Mae’r cynnig eisoes wedi helpu rhieni/gofalyddion ar draws Cymru i ddychwelyd i’r gwaith, cynyddu eu horiau neu weithio yn fwy hyblyg.  Un o amcanion y cynllun yw rhoi mwy o arian i rieni/ofalyddion sy’n gweithio yn fisol iddynt gael gwario ar bethau sy’n bwysig i’r teulu.

Pwy sy'n gymwys?

I fod yn gymwys i dderbyn gofal plant am ddim, rhaid i chi fodloni'r meini prawf cymhwysedd canlynol:

• Mae eich plentyn yn 3 neu’n 4 oed ac yn gallu cael mynediad at addysg ran amser
• Rydych yn byw ym Mwrdeistref Sirol Caerffili

Ac:

• Mae pob rhiant, neu gyplau sy'n cyd-fyw ar yr aelwyd yn gweithio ac yn ennill cyflog sy’n cyfateb i 16 awr o leiaf ar yr isafswm cyflog cenedlaethol neu’r cyflog byw cenedlaethol neu’n fwy, neu
• Mae un rhiant yn gyflogedig a bod gan un rhiant gyfrifoldebau gofalu sylweddol seiliedig ar fudd-daliadau penodol a dderbynnir am ofalu; neu 
• Mae’r ddau riant yn gyflogedig, ond bod y naill riant a’r llall i ffwrdd o’r gweithle dros dro ar absenoldeb rhieni, mamolaeth, tadolaeth neu fabwysiadu, neu
• Mae’r ddau riant yn gyflogedig, ond bod un neu’r ddau riant i ffwrdd o’r
• gweithle dros dro ar dâl salwch statudol, neu
• Mae un rhiant yn gyflogedig a bod un rhiant yn anabl neu’n analluog ar sail derbyn budd-daliadau penodol 

Pryd i wneud cais?

O’r tymor yn dilyn ei ben-blwydd yn 3 oed, gallai'ch plentyn hawlio hyd at 20 awr o ofal plant a ariennir gan y llywodraeth. Mae hyn yn ychwanegol at y 10 awr sydd yn cael ei darparu gan y Cyfnod Sylfaen rhan amser a hyd at 30 awr o ofal plant yn ystod y gwyliau ysgol. 

Am ddyddiadau tymor ysgol, ewch i: https://www.caerphilly.gov.uk/Services/Schools-and-learning/Schools,-term-dates-and-closures?lang=cy-gb

Sut i wneud cais

I wneud cais, fe fydd angen i chi lenwi a chyflwyno ffurflen gais. Fe fyddwn ni wedyn yn gwirio eich bod yn gymwys ac yn eich e-bostio i gadarnhau os ydych yn gymwys.

Am ragor o wybodaeth ar y broses o wneud cais am y Cynnig Gofal Plant i Gymru, cliciwch ar y ddolen isod:

• Gwneud cais am y Cynnig Gofal Plant i Gymru  - Canllaw i Rieni a Gwarcheidwaid (PDF)
• Ffurflen hysbysu newid amgylchiadau (PDF) | WORD

Gwybodaeth bellach

Am ragor o wybodaeth am y cynllun, ewch i wefan Llywodraeth Cymru.

I gael gwybod am y gofal plant sydd ar gael, cysylltwch â Gwasanaeth Gwybodaeth i Deuluoedd Caerffili ar 01443 863232 neu e-bostiwch ggid@caerffili.gov.uk.