News Centre

Un o ganolfannau hamdden Caerffili yw'r gampfa gyntaf yng Nghymru i ddarparu mynediad at EGYM

Postiwyd ar : 22 Ebr 2022

Un o ganolfannau hamdden Caerffili yw'r gampfa gyntaf yng Nghymru i ddarparu mynediad at EGYM
Ym mis Ionawr, yr ystafell ffitrwydd ar ei newydd wedd yng Nghanolfan Hamdden Trecelyn oedd y gampfa gyntaf yng Nghymru i ddarparu mynediad at offer EGYM.

Mae'r ystafell ffitrwydd newydd o'r radd flaenaf wedi'i haerdymheru ac mae wedi'i dylunio ag arddull gyfoes gydag ystod eang o offer sy'n arwain y diwydiant ac sy'n cynnig atebion cardiofasgwlaidd, cryfder a digidol.

Mae'r system EGYM yn creu rhaglen wedi'i theilwra ar gyfer pob defnyddiwr yn seiliedig ar eu nodau personol ar gyfer colli pwysau, hyfforddiant cryfder, ffitrwydd cyffredinol a hybu imiwnedd. Mae'r offer yn cysoni'n awtomatig ag ap ffitrwydd EGYM i olrhain cynnydd y defnyddiwr a dangos canlyniadau. Mae'r gosodiadau personol yn addasu ac yn newid ymarferion yn seiliedig ar gynnydd y defnyddiwr sy'n golygu nad yw ei raglen ffitrwydd byth yn aros yn ei unfan neu nad yw'r defnyddiwr byth yn gorweithio. Mae offer EGYM yn cynnwys sgriniau cyffwrdd gyda rhyngwyneb fel gêm fideo yn dangos sawl gwaith i wneud pob ymarfer, ar ba gyflymder a pha ystod o symudiadau.

Mae’r ystafell ffitrwydd hefyd yn cynnwys yr offer diweddaraf o ansawdd uchel gan gynnwys melinau traed crwm, beiciau aer ac offer SkiErg, wedi’u cwblhau gan raciau, meinciau a llwyfannau codi blaenllaw yn y diwydiant. Bydd y stiwdio feicio grŵp a’r stiwdio ddawns sydd newydd eu dylunio yn gartref i raglen amrywiol o ddosbarthiadau ymarfer corff grŵp, o ddosbarthiadau dwysedd uchel cyflyru’r corff i ioga a Pilates, gyda’r nod o ddarparu amrywiaeth o gyfleoedd i’r holl drigolion.

Cymerwch ran, profi'r ystafell ffitrwydd newydd a defnyddio'r offer EGYM. Ymunwch â Dull Byw Hamdden ar-lein neu drwy ffonio'r Tîm Gwasanaethau i Gwsmeriaid ar 01443 863072. Fel arall ffoniwch Ganolfan Hamdden Trecelyn ar 01495 248100 neu e-bostio CHTrecelyn@caerffili.gov.uk.

Newyddion Diweddar
Ymholiadau'r Cyfryngau