Coronafeirws - cyngor a'r wybodaeth ddiweddaraf
Mae'r Cyngor yn parhau i ddilyn cyngor swyddogol gan asiantaethau allweddol fel Llywodraeth Cymru ac Iechyd Cyhoeddus Cymru.
You can find all the latest public information on the outbreak of Coronavirus along with information about the virus and its symptoms on the following websites
Cynllun olrhain cysylltiadau
Mae'r cynllun ‘Profi Olrhain Diogelu’ bellach ar waith ym Mwrdeistref Sirol Caerffili ac ar draws rhanbarth Bwrdd Iechyd Prifysgol Aneurin Bevan.
Rydyn ni'n annog unrhyw un sy'n dangos symptomau coronafeirws i wneud cais am brawf.
Mae’r cynllun yn rhan allweddol o gynllun adfer Covid-19 Llywodraeth Cymru. Mae’n ein helpu ni i sefydlu ffordd newydd o fyw a gweithio ochr yn ochr â’r feirws, gan reoli ei ledaeniad hefyd.
Sut mae’r system yn gweithio
Mae’r system yn gweithio drwy wneud y canlynol:
- profi pobl sydd â symptomau’r coronafeirws a gofyn iddynt ynysu oddi wrth deulu ehangach, ffrindiau, cydweithwyr a’u cymuned tra maent yn aros am ganlyniad
- olrhain unigolion sydd wedi dod i gysylltiad agos â rhywun sydd wedi profi’n bositif am y coronafeirws, gan ofyn iddynt gadw at fesurau diogelu a hunanynysu am 14 diwrnod
- darparu cyngor a chyfarwyddyd, yn enwedig os yw’r person sydd wedi profi’n bositif neu ei gysylltiadau’n agored i niwed neu’n wynebu risg uwch
- sicrhau os bydd rhywun yn profi’n negatif ei fod yn cael dychwelyd i’r gwaith ac i’w drefn arferol cyn gynted â phosib
Darllenwch ragor o fanylion am y cynllun olrhain cysylltiadau ar y siart llif yma.
Darllen Cwestiynau Cyffredin Llywodraeth Cymru am olrhain cysylltiadau
Hysbysiad Preifatrwydd Gwasanaeth Olrhain Cysylltiadau Gwent
Cyfarwyddyd i gyflogwyr
Edrychwch ar gyfarwyddyd Llywodraeth Cymru ar gyfer cyfrifoldebau olrhain cysylltiadau yn y gweithle
Mae’r cyfarwyddyd yn rhoi sylw i’r canlynol:
- sut gofynnir i gyflogeion hysbysu eu cyflogwr os gofynnir iddynt hunanynysu fel rhan o’r broses olrhain cysylltiadau
- pa gefnogaeth sydd ar gael os oes achos o Covid-19 yn y gwaith
- yr amser lleiaf a mwyaf y gellir dweud wrth gyflogai am hunanynysu
- pa gefnogaeth ddylai cyflogwyr ei rhoi i’w cyflogeion os gofynnir iddynt hunanynysu, gan gynnwys manylion am dâl salwch a lwfans cymorth cyflogaeth
- pryd dylai cyflogeion archebu prawf coronafeirws a sut gallant gael un
- sut gofynnir i gyflogeion roi gwybod i’w cyflogwr os byddant yn profi’n bositif am y coronafeirws
- beth mae olrhain cysylltiadau yn ei gynnwys a’r diffiniad o gysylltiad
- am faint fydd pobl yn cael cyngor i hunanynysu os ydynt wedi bod mewn cysylltiad â rhywun sydd wedi profi’n bositif am y coronafeirws
Mae gan bob busnes gyfrifoldeb i gael yr wybodaeth ddiweddaraf am y cyfarwyddyd coronafeirws diweddaraf a sicrhau bod eu cyflogeion yn gwybod am y prosesau cysylltiedig â phrofi ac olrhain cysylltiadau. I warchod cyflogeion a chwsmeriaid, dylai cwmnïau sicrhau eu bod yn cymryd pob cam rhesymol i gadw at y gyfraith cadw pellter cymdeithasol yn y gwaith.
Cyfarwyddyd i bobl hunangyflogedig
Y cyngor gan Lywodraeth Cymru yw parhau i weithio o gartref os yw hynny’n bosib. Os nad yw hynny’n bosib, dylid defnyddio’r cyfarwyddyd ar Diogelu Cymru yn y Gwaith should be used.
Gwarchod eich hun rhag sgamiau
Mae gwasanaeth Safonau Masnach Caerffili eisiau i drigolion fod yn ymwybodol o dwyllwyr sy'n esgus eu bod nhw'n aelodau o dîm tracio ac olrhain newydd y Gwasanaeth Iechyd Gwladol. Fel y byddwch chi'n gwybod, mae tîm pwrpasol o swyddogion olrhain cysylltiadau wedi cael y dasg o dracio ac olrhain lledaeniad COVID-19 yn yr ardal.
Mae twyllwyr troseddol wedi manteisio ar y sefyllfa bresennol i esgus bod yn swyddogion olrhain cysylltiadau, ac maen nhw wedi bod yn ceisio cael manylion personol er eu budd eu hunain.
Mae'r gwasanaeth Safonau Masnach eisiau eich atgoffa chi na fydd swyddogion olrhain cysylltiadau go iawn byth yn gofyn am unrhyw fanylion ariannol, fel rhif PIN neu gyfrineiriau bancio. Hefyd, ni fydd neb o'r tîm tracio ac olrhain yn galw heibio i chi – rhowch wybod i'r heddlu am unrhyw ymweliadau o'r fath.
Os bydd y troseddwyr hyn yn cysylltu â chi, rhowch wybod am y digwyddiad naill ai drwy ffonio Action Fraud ar 0300 123 2040, Llinell Gymorth Gwasanaethau Defnyddwyr Cyngor ar Bopeth ar 0808 223 1144 (Cymraeg) neu 0808 223 1133 (Saesneg), neu Safonau Masnach Caerffili ar 01443 811300.
Darllenwch y dudalen wybodaeth yma am sgamiau fel eich bod yn gallu dweud y gwahaniaeth rhwng gweithiwr olrhain cysylltiadau a sgamiwr.