FFURFLENNI AR-LEIN / ONLINE FORMS

FFURFLENNI AR-LEIN: Ni fydd rhai ffurflenni ar-lein ar gael rhwng 5:00pm a 7:00pm ar y 19 Mawrth 2024, tra byddwn yn gwneud gwaith cynnal a chadw hanfodol.  Ymddiheurwn am unrhyw anghyfleustra y gall hyn ei achosi

ONLINE FORMS: Some of our online forms will be unavailable between 5:00pm and 7:00pm on the 19 March 2024, whilst we carry out essential maintenance. We apologise for any inconvenience this may cause.

Trwydded tatŵio, tyllu ac electrolysis

Rhaid i unrhyw un sy’n cyflawni gweithgareddau tyllu croen (aciwbigo, tatŵio, electrolysis, tyllu cosmetig neu liwio croen yn lled-barhaol) gael ei gofrestru gyda’r cyngor o dan Ddeddf Llywodraeth Leol (Darpariaethau Amrywiol) 1982 fel y’i diwygiwyd gan Ddeddf Llywodraeth Leol 2003.

Nod cofrestru’r gweithgareddau tyllu croen hyn yw diogelu’r cyhoedd rhag trosglwyddo firysau a gludir yn y gwaed megis HIV, Hepatitis B, Hepatitis C a heintiau eraill.

Mae gennym is-ddeddfau cymeradwy sy’n nodi’r safonau ar gyfer gweithredu mangreoedd tyllu croen mewn modd hylan. Rhaid i bobl sy’n tyllu croen gydymffurfio â’r is-ddeddfau hyn.

Is-ddeddfau – Aciwbigo, tatŵio, lliwio croen yn lled-barhaol, tyllu cosmetig ac electrolysis (PDF)

Amodau’r drwydded

Rhaid i berson sydd wedi’i gofrestru i gyflawni’r gweithgareddau tyllu croen hyn arddangos yn y fangre gopi o unrhyw dystysgrif a gyflwynwyd gennym, a chopi o’r is-ddeddfau os yw’n briodol.

Ffioedd

Mae’r cofrestriad yn cynnwys dwy elfen:

  • y person sy’n tyllu croen
  • y fangre lle mae’r tyllu croen yn digwydd

Cliciwch yma i weld rhestr lawn o’r ffioedd trwyddedau

Sut i wneud cais

Mae ffurflenni cais a manylion y broses gwneud cais ar gael i’w lawrlwytho isod:

Os ydych yn cyflwyno’ch cais trwy’r post neu yn bersonol, dylid postio neu ddod â’r ffurflenni wedi’u llenwi i’rAwdurdod Trwyddedu.

Gwneud cais ar lein

Gallwch wneud cais am eich trwydded bersonol ar lein.

Cais am drwydded i gyflawni gweithgareddau aciwbigo, tatŵio, tyllu a/neu electrolysis

Triniaethau Arbennig Deddf Iechyd y Cyhoedd (Cymru) 2017

PWYSIG: Trwyddedu gorfodol ar gyfer triniaethau arbennig – Dogfen ymgynghori

PWYSIG: Trwyddedu gorfodol ar gyfer triniaethau arbennig – Dogfen ymgynghori.

  • Deddf Iechyd y Cyhoedd (Cymru) 2017
    Trwyddedu gorfodol ar gyfer triniaethau arbennig – Dogfen ymgynghori

Rydym am glywed eich barn ar gynllun trwyddedu gorfodol ar gyfer aciwbigo, tyllu'r corff, electrolysis a thatwio.

Mae Rhan 4 o Ddeddf Iechyd y Cyhoedd (Cymru) 2017 yn nodi'r fframwaith cyfreithiol. Mae'r ddogfen ymgynghori yn cynnig sut y gallai'r cynllun weithio ac yn ceisio barn. 

Y bwriad yw cychwyn Rhan 4 o'r Ddeddf a rhoi'r cynllun trwyddedu ar waith yn ei gyfanrwydd.  Bydd yr ymatebion ein helpu i lunio’r rheoliadau y mae angen inni eu gwneud.

Bydd y cyfnod ymgynghori yn dod i ben ar 19 Ebrill 2023.  Gallwch weld y ddogfen ymgynghori a’r papurau ategol drwy ddilyn y ddolen ganlynol: www.llyw.cymru

Cysylltwch â ni